视后之路好难挨，杨怡七情上面企两边！

原标题：视后之路好难挨，杨怡七情上面企两边！

大家每晚都会喺热播剧《再创世纪》度见到杨怡，现时贵为花旦嘅杨怡1999年中五毕业后就加入第13期无綫电视艺员训练班，不过佢入咗无綫之后，唔系一步登天担正做女主角，入行初期嘅佢都有试过做路人甲乙丙，不时穿插喺剧集中，呢日TVB facebook专页就上载一条名为“杨怡视后之路！！”嘅短片，重温番佢当年跑龙套嘅日子！

喺1999年嘅《双面伊人》中，杨怡演护士，但只系远镜飘过，要用放大镜睇先知系佢，最正系呢套剧佢仲有另一个身份，就系电视台女主播，一人分饰两角，劲！之后杨怡有机会拍古装剧，饰演小尼姑企喺惠英红后面，虽然冇对白，但表情交戏。到咗《骗中传奇》，杨怡终于有对白啦，佢喺青楼担任**，仲同钱嘉乐有对手戏，嗰一幕就系讲述佢唔小心用酒淋湿钱嘉乐件衫，当时杨怡交七情上面，话晒临时演员都系演员嘛！

之后到1999年嘅《创世纪》，饰演玩具公司秘书嘅杨怡开始多咗戏，就算同视帝罗嘉良做对手戏，都一样从容淡定，到后来杨怡慢慢攀上女一宝座，再勇夺视后，真系步步艰辛，够晒励志！

网民有话儿：

DXXXy Wong：当年杨怡顺眼得多。

KXXXin Li：我谂《再创世纪》系为郭晋安同杨怡而设嘅。

YXn TXk：没有一步登天，潜序渐进，默默耕耘，遇到好剧本，将角色发挥得非常之好。

Eva Siew：样子也有进步。

TXXXsa Wong：最有印象系佢个鼻梁。

《再创世纪》（英语：Another Era），香港电视广播有限公司、爱奇艺、中国中央电视台与中国广播影视出版社合作拍摄制作的时装商战电视剧；由郭晋安、周励淇、林文龙、杨怡、锺嘉欣、袁伟豪、周柏豪及邓佩仪领衔主演，并由王振、余芷慧、潘志文、胡枫、汤洛雯、林嘉华及陈自瑶联合主演，监制关树明，出品人彭健明、龚宇、杜之克和王卫平。

主题和故事围绕近10年香港金融经济发展。本剧共花了1亿港元制作，而且拍摄期长达半年。

原标题：视后之路好难挨，杨怡七情上面企两边！

关键词：杨怡,郭晋安,中央电视台,腾讯网,腾讯新闻