张学友演唱会门票炒到过万　刘恺威生日杨幂冇送祝福

原标题：张学友演唱会门票炒到过万　刘恺威生日杨幂冇送祝福

今日快报

讲紧罗天宇？汤洛雯劲忧郁：爱累了就放手

艺人汤洛雯（靓汤）早前同罗天宇分手后，两个都话再见亦是朋友，就好似啱啱31岁生日嘅天宇搞咗个生日派对，靓汤都有出席，似乎「情不变」！呢日靓汤就喺社交网上载咗张靓女相，个眼神仲好似带啲忧郁，又好感性话：「爱累了，就放手，人累了，就休息，心累了，就淡然。」似乎佢真的累了，好多网民都话靓汤呢番话似乎「有啲嘢」，不过有网民就话累了就停低休息，唔好将自己逼得太紧呀！

亚视大集合！杜挺豪趁展鹏婚礼返港见老友

一班出身亚视演员时有联络，相当重情，日前前亚洲先生杜挺豪从多伦多返港为陈展鹏做戥穿石，所以都可以出席到聚会！

当晚席上大班前亚视台前幕后，除袁文杰、杜挺豪外，还有林子博、梁浩楷等，聚首为人称凌姐嘅前辈做生日！见到枱面杯盘狼藉，睇嚟大家都好尽兴呀！

五年断缆 ！刘恺威生日　杨幂冇送祝福

艺人刘恺威日前44岁生日，唔少网友都有喺社交网向佢送上生日祝福，不过当中就唔见咗一个熟悉嘅身影，嗰个就系佢老婆杨幂！其实过往5年每逢老公生日，杨幂都会喺凌晨时分于网上发文祝贺， 但今年系佢首次断咗「五连环」，对老公零表示！呢个消息一传出即引起网友热议，有网友甚至翻炒原来今年杨幂生日时，刘恺威同样冇留言送祝福，令佢哋两公婆嘅关系再度成为焦点。

张学友高雄演唱会 炒到过万台币一张

歌神张学友明年1月喺红馆举行15场「学友．经典」演唱会，歌神开骚，大家当然要抢飞支持，不过可惜无论信用卡优先订飞同公开售票当日，都有好多人入唔到网站，最终都系买唔到飞。

嗱，绝望嘅又岂唔止得香港人，连台湾人都一样呀，事关今日台湾方面，就公开发售歌神一月头喺高雄巨蛋举行嘅3场「学友?经典」巡回演唱会飞，不过3场共4万张飞，喺短短3分钟就卖晒，而且因为之后要喺香港开骚，唱片公司更讲到明唔会再加场咁话。

而喺台湾嘅炒飞网中，就见到学友今次高雄演唱会，最贵价钱5,800台币（约$1,470港币）嘅飞，已经炒到超过10,000台币（约$2,535港币）一张喇。虽然系咁，但都好过香港，事关香港嘅$980贵飞，喺网上丧炒到$9,000一张呀！

除了台湾站嘅4万张飞被扫清，香港站15场门票同样于首日公开发售被秒杀，歌神果然犀利！

欢迎分享至朋友圈

告诉大家一个小秘密，

最近我的朋友——

丫丫在抖音的人气越来越高，

再不上车你们要错过早班车了呦。

原标题：张学友演唱会门票炒到过万　刘恺威生日杨幂冇送祝福

关键词：张学友,杨幂,刘恺威,腾讯网,腾讯新闻