互翻旧相！周励淇袁伟豪斗嘴耍花枪

原标题：互翻旧相！周励淇袁伟豪斗嘴耍花枪

Niki同Ben呢对“情侣”相约拍拖。

佢哋呢Pair好受观众欢迎。

Niki个**头真系好爆！

Ben话第一次见到Niki时，好似陈百祥首歌《几分钟的约会》啲歌词咁。

周励淇（Niki）与袁伟豪（Ben）早前首次合拍剧集《再创世纪》并饰演情侣，唔少网民都好Buy呢对银幕情侣，可惜最后二人在剧中阴阳相隔。为咗安抚网民，二人早前特意去“拍拖”，Ben忆述二人第一次相遇系入行前、大约20年前，喺地铁见到当时仍为模特儿嘅Niki，当Ben讲番起呢件事时，Niki竟然完全唔记得！Ben话觉得佢哋嘅相遇好似陈百祥嘅经典歌《几分钟的约会》歌词，除咗翻拍2018版本外，佢哋仲互相讨论对方嘅旧照，笑到Niki笑到见牙唔见眼！

Ben参选2007年香港先生入行前原来同Niki一样做过模特儿，仲选过1997年《YES!》校草，果然天生食呢行饭！

不过，Niki就笑Ben当年未退水肿：“唔怪得之我唔理你！好似啱啱出世嘅BB，全部肿晒！”轮到Ben睇到Niki昔日**头嘅旧相时，Ben笑住问Niki：“你个头喺边度电？上海街电？”连Niki自己睇番都笑到停唔到！

唔少网友大赞呢对银幕情侣好合衬，仲话Niki除咗人靓，性格仲好爽直，就算被翻旧相讨论都毫不介意，仲叫佢多啲上载新片上YouTube channel同大家开心Share添！

网民有话儿：

Kx Pxx：以前草（储）左（咗）好多张您（你）既（嘅）yes咭

xxi Lxn xg：好好笑，经典，好清爽，笑死我喇，正

Wxxy Chxxx：加朵花真系好似返咗廿年前

Vxxxxt xa：几十年前呢套衫好hit?

原标题：互翻旧相！周励淇袁伟豪斗嘴耍花枪

关键词：niki,ben,袁伟豪,腾讯网,腾讯新闻