原标题：TVB版《西游记》主演重聚，孙悟空张卫健同猪八戒黎耀祥真係好经典！
一般翻拍嘅经典作品
都好在乎同原著嘅匹配度
一旦有小小改编
观众嘅火眼金睛都睇得出
而且改唔好
大家意见都会好大
而讲到改编嘅经典故事
到依家都依然得人中意嘅
TVB版《西游记》算係一部
点解突然提起？
皆因主演时隔多年
再度聚首！
由阮兆祥同黎耀祥
一齐主持嘅访谈节目《双祥见》
喺最新一期度邀请咗
张卫健同埋麦长青做嘉宾
于是乎96版《西游记》
“孙悟空”张卫健
“猪八戒”黎耀祥
“沙僧”麦长青
三位主演好难得
喺节目中再次重聚
观众睇到
都大嗌“爷青回”！
有d遗憾嘅係
师傅江华无喺现场
不过呢个缺憾
都唔影响网友回忆
呢版《西游记》嘅经典部分
张卫健嘅空空
大家当然印象深刻啦
超级古灵精怪
虽然係只马骝
但依然好多少女觉得佢好型！
一见到呢个美猴王造型
d台词即刻
自动喺脑海中播放
连具体几多只字
网友都记得好清楚
台词记得唔熟唔紧要
下面呢首歌仔
你肯定识唱呱？
唔单止孙悟空嘅角色
演得深入人心
黎耀祥嘅猪八戒都同样係
好多人心目中
最印象深刻嘅一版
经典嘅台词
唔使谂都知係呢一句
“自古多情空余恨”
睇翻八戒d剧照
真係张张都可以当表情包
表情得戚台词又绝
呢个八戒你like唔like先
网友d留言
大部分都可以话係
观众嘅回忆总结
不过有几位
就好似走错片场
阿SA？？？
米住！依家讲紧嘅
係1996年TVB版《西游记》wor！
提到阿SA嘅网友
应该搞错咗
虽然同样都係张卫健做主角
但係有Twins呢版叫做
《齐天大圣孙悟空》
而且呢位网友总结得
都几有道理
因为呢出算
《西游记》嘅科幻改编
两版除咗孙悟空
都係张卫健之外
好似无乜太大关系
呢个故事同《西游记》
都差得比较远
阿SA演嘅係
紫兰仙子
个造型真係印象深刻
阿娇演紫薇仙子
以前呢个look
真係好潮好仙噶
呢版都係好星光熠熠噶
比如话白骨精係杨恭如扮嘅
而且好多大咖加盟
哪吒係林志颖
谢霆锋都有份
虽然依家睇翻以前嘅经典剧集
画质唔得、特效唔得
但演技、台词、剧情都好得人心
真係令人印象深刻
就算出再多新版都比唔过啊！
胡杏儿怀三胎
今日胡杏儿发微博
晒出孕肚照宣布
自己怀三胎嘅喜讯
网友纷纷表示祝福
范冰冰范丞丞合作大片
范冰冰同范丞丞
两姐弟首次合作
一齐拍摄咗时尚大片
风格复古又时髦
林峯张馨月全家福
张馨月晒出同老公林峯
加埋女女嘅合照
仲吐槽老公送嘅礼物太直男
一家三口好sweet
资料来源： 微博
剧照
编辑：zhangxiaoli
*文中图片如涉及侵权请联系，立即删除
▼
▼返回搜狐，查看更多
责任编辑：
原标题：TVB版《西游记》主演重聚，孙悟空张卫健同猪八戒黎耀祥真係好经典！
关键词：张卫健,孙悟空,黎耀祥,西游记,猪八戒,网友,重聚,经典,台词,依家
我知道了 